Нодирбек Абдусатторов дунёдаги энг ёш гроссмейстерлардан бирига айланди

Фото: Ўзбекистон шахмат федерацияси

29 октябрь куни Санкт-Петербург шаҳрида "М.Чигорин Мемориали" халқаро шахмат турнири якунланди.

Ўзбекистон шахмат федерацияси ахборот хизматининг хабар қилишича, мусобақада ўзбекистонлик халқаро уста Нодирбек Абдусатторов гроссмейстерлик учинчи нормасини бажарган. Таъкидланишича, Нодирбек эндигина 13 ёшга кирди.

Қайд этилишича, ёш иқтидорли шахматчимиз турнирда жуда яхши иштирок этган, халқаро гроссмейстерлар билан бўлиб ўтган баҳсларнинг 3та партиясида ғалаба қозонди ва икки марта дуранг ўйнади. Шу тариқа, Нодирбек Абдусатторов муҳим очколарни қўлга киритган.