Мисрдаги портлаш қурбонлари сони ортмоқда

Мисрнинг Синай ярим ороли шимолида рўй берган портлаш оқибатида ҳалок бўлганлар сони 85 нафарни ташкил қилмоқда. Бу ҳақда давлат телеканалида хабар берилди.

Шунингдек, юздан ортиқ киши жароҳатланган ҳолда шифохонага етказилган.

Портлаш ал-Ариш шаҳри яқинидаги масжидда амалга оширилди. Террорчилар жума намози чоғида ҳужум уюштирган. Портлашдан ташқари, террорчилар намозга тўпланганларни ўққа тутган.