Ижтимоий тармоқларда Tesla смартфони намойиш этилди (видео)

Фото: Youtube/Concept Creator

Тармоқда Tesla компанияси ишлаб чиқариши мумкин бўлган смартфон концепти намойиш этилди. Видео Concept Creator YouTube-каналида тақдим этилди.

Роликда икки камера, ҳошиясиз дисплей ва металл корпус билан жиҳозланган гаджет намойиш этилган.

Интернет фойдаланувчилари муаллифлик смартфонининг дизайнидан қониқиш ҳосил қилишди ва унинг ишлаб чиқарилиши йўлга қўйилган тақдирда, IPhone'нинг янги моделларига навбат пойловчилар сонининг камайишини таъкидлашди.

Шунингдек изоҳларда унинг "электрда" ишлаш ё ишламаслигига қизиқиш билдиришди.

Tesla компанияси ҳозирча смартфон ишлаб чиқаришни режалаштирмаган.