Ироқ бош вазири ИШИД ниманинг эвазига мағлуб этилганини айтди

Фото: Reuters

Ироқ бош вазири Ҳайдар ал-Ободий ИШИД террорчилик ташкилотига қарши уруш якунига етгани ҳақида маълум қилди, деб хабар бермоқда РИА «Новости».

«Бизнинг қуролли кучлар Ироқ-Сурия чегараси устидан тўлиқ назоратни ўрнатишди ҳамда шу билан биз ИШИДга қарши уруш якунига етгани ҳақида маълум қиламиз», - дея айтиб ўтди у.

Унинг сўзларига кўра, Ироқ «бирдамлик ва қатъийлик» эвазига ғалаба қозонишнинг ва цивилизацияни йўқ қилиб юбориш мақсадида келган душманни мағлубиятга учратишнинг уддасидан чиққан.

Эслатиб ўтамиз, аввалроқ Афғонистоннинг Туркманистон билан чегарада жойлашган Жузжон шимолий вилоятида ИШИД террорчилик гуруҳи жангариларини ўқитишнинг яширин марказлари фаолият кўрсатаётгани, уларда тахминан 300 нафар ёшлар тайёргарликдан ўтаётгани хабар берилганди.