Путин Россия Миср билан авиақатновни очишга тайёрлигини айтди
Россия президенти Владимир Путин Қоҳирага амалий ташриф билан келди, у Миср раҳбари Абдул Фаттоҳ ас-Сисий билан музокаралар ўтказди. Бу ҳақда «Интерфакс» хабар бермоқда.
Россия етакчисини аэропортда Миср президентининг ўзи кутиб олган.
Путин ва ас-Сисий аэропортдан Россия президенти автомобилида Ал-Иттиҳодия саройига йўл олишди, у ерда эса икки томонлама музокаралар бўлиб ўтди.
РФ президенти Владимир Путиннинг маълум қилишича, Россия Миср билан тўғридан-тўғри авиақатновни очишга тайёр.
"Россия хавфсизлик хизматлари менга биз Москва ҳамда Қоҳира ўртасида тўғридан тўғри авиақатновни очишга тайёр эканимиз ҳақида ҳисобот беришди, - дея таъкидлаб ўтди у Миср президенти Абдул Фаттоҳ ас-Сисий билан музокаралар якунлари бўйича. – Тегишли ҳукуматлараро баённомани имзолаш талаб этилади, у яқин вақт ичида имзоланишига ҳаракат қиламиз".
Шунингдек, Путин душанба куни Қоҳирада Мисрдаги биринчи атом электрстанциясини Ўрта Ер денгизидаги ад-Дабаа туманида Россия иштирокида қуришга тижорий шартномаларнинг кучга кириши тўғрисидаги актларни имзолаш маросимида қатнашди. Россия томони ад-Дабаадаги атом электрстанцияси туманида хавфсизликни таъминлашда иштирок этади.
Мавзуга оид
08:40
Путин Думага КХДР билан ҳарбий ҳамкорлик тўғрисидаги қонун лойиҳасини киритди
10:10 / 12.10.2024
Бербок: Путин Украина масаласини Шолц билан муҳокама қилишдан бош тортди
21:13 / 11.10.2024
НАТОнинг янги бош котиби иттифоқчиларни Путиннинг ядровий таҳдидларига эътибор қаратмасликка чақирди
16:10 / 11.10.2024