Имомали Раҳмон Оман шаҳрининг фахрий фуқаросига айланди

Фото: Sputnik Таджикистан

Тожикистон президенти Имомали Раҳмон Иорданияга расмий ташрифи доирасида Оман шаҳар кенгаши депутатлари ва Иордания пойтахти маъмурияти вакиллари билан учрашди, дея хабар қилган Тожикистон етакчисининг матбуот хизмати.

Шаҳар кенгаши депутатлари ва Оман маъмурияти вакиллари билан учрашувда президент Имомали Раҳмон ташрифидан кўзланган мақсадлар ва Тожикистон ҳамда Иордания ўртасидаги ҳамкорлик истиқболлари ҳақида сўзлаб берди.

Шундан сўнг Оман мэри Юсуф Шаварбех, Имомали Раҳмоннинг икки давлат ўртасида дипломатик алоқалар ўрнатилишига, халқлар ўртасида ўзаро дўстликни мустаҳкамлашга қўшган ҳиссаси учун Тожикистон президентига Оман шаҳрининг рамзий олтин калитини топширди.

Тайёрлаган: Отабек Матназаров

#Иордания #Имомали Раҳмон