Раҳмат Оқилов устидан суд қачон бўлиб ўтиши маълум
Швеция полицияси жорий йилнинг апрель ойида Стокҳольмда рўй берган теракт бўйича иш юзасидан терговни якунлади. Ушбу террорчилик хуружини содир этишда ўзбекистонлик Раҳмат Оқилов гумонланмоқда. Бу ҳақда TV 4 телеканали прокурор Ханс Ирманга таянган ҳолда хабар берди.
"Дастлабки тергов якунланди ҳамда иш материаллари адвокатга топширилди. Бироқ суд таъқиби ҳозирча қўзғатилмади", - дея айтиб ўтди прокурор Ирман.
Унинг сўзларига кўра, кутилишича, гумонланувчи устидан суд 2018 йилнинг февралида бўлиб ўтади, деб хабар қилмоқда РИА Новости.
7 апрель куни юк машинаси ҳайдовчиси Дроттнинггатан кўчасида одамларни босиб кетган. У 550 метр юриб ўтиб, Ahlens савдо маркази биносига урилган. Ҳужум оқибатида 5 киши ҳалок бўлди, 15 киши жароҳат олди.
Эслатиб ўтамиз, аввалроқ Раҳмат Оқиловнинг ҳибсда сақланиш муддати узайтирилгани хабар берилганди.
Мавзуга оид
22:05 / 05.10.2024
Швеция ўз ҳарбийларини Латвияга юборади
12:50 / 03.10.2024
Дания ва Швецияда Исроил элчихоналари яқинидаги портлашлар текширилмоқда
15:15 / 27.09.2024
Швецияда бобо-бувиларга набираларига қарагани учун нафақа берилмоқда
23:35 / 23.09.2024