Намибия Бош вазири ўринбосари автоҳалокатда омон қолди

Фото: namibian.com.na

Намибия Бош вазири ўринбосари, Ташқи ишлар вазири пайшанба куни юз берган автоҳалокатда тирик қолган. Полиция тарқатган маълумотга таяниб маҳаллий нашрларнинг хабар беришича, уларга ҳамроҳлик қилган уч нафар шахс воқеа жойида ҳалок бўлган.

Маълум қилинишича, мамлакат шимолида юз берган воқеада оқ рангли юк машинаси Бош вазир ўринбосари Нетундо Нанди-Ндаитва ҳаракатланиб кетаётган эскорт билан тўқнашиб кетган.

Namibian Sun нашрининг хабар беришича, Нанди-Ндаитва оғир тан жароҳати билан шифохонага олиб борилган. Ҳозирча унинг аҳволи яхши эканлиги айтилмоқда. Пайшанба куни оқшомда уни пойтахтдаги шифохоналардан бирига вертолёт орқали олиб бориш режалаштирилмоқда.

Тайёрлаган: Алишер Рузиохунов

#ЙТҲ #Намибия