Штанга остида ҳалок бўлган ўсмир 7 кишининг жонига оро кирди

Австралиянинг Брисбен шаҳрида вафот этган ўсмирнинг тана аъзолари эвазига 7 кишининг ҳаёти сақланиб қолинди. Бу ҳақда Daily Mail нашри хабар бермоқда. 

15 ёшли Бен Шоу 27 сентябрда спортзалда машқ қилаётганда 98 кг лик штангани устига тушириб юборган. У штанга остидан 30 дақиқадан кейин чиқариб олинган. Ўсмир шифохонага етказилган, бироқ шифокорлар унинг ҳаётини сақлаб қолиша олмаган. Уч кундан кейин ўсмирнинг ота-онаси фарзандларини ҳаётни таъминлаш қурилмасидан узишга қарор қилишган. 

Ўсмирнинг тана аъзолари 3 нафар бола ва 4 нафар катта ёшли инсонга кўчириб ўтказилган. 3 бола унинг юрак клапанларини олган. Бундан ташқари, икки беморга ўсмирнинг кўзлари кўчириб ўтказилган.