Оқ уй ҳақидаги китобда Трампнинг ўрнини ким эгаллашни хоҳлаётгани айтилган

Майкл Вульфнинг «Олов ва ғазаб: Трампнинг Оқ уйида» китобида АҚШнинг БМТдаги доимий вакили Никки Ҳейли ўзини давлат раҳбари лавозимига эҳтимолий номзод сифатида кўраётгани тилга олинади. Бу ҳақда The Times of India хабар бермоқда.

Хабар қилинишича, Ҳейлидан ташқари, унинг номзоди АҚШ президенти Дональд Трампга яқин бўлган кўплаб шахслар томонидан ҳам кўриб чиқилмоқда. Уларнинг фикрича, у амалдаги давлат раҳбаридан анча ташаббускор ва ақллироқдир.

Вульфнинг сўзларига кўра, Ҳейли «Трамп ҳукумат тепасида максимум бир муддат қолади» деб ҳисобламоқда ҳамда давлат раҳбари учун курашга киришиши мумкинлигини яхши тушуниб турибди.

Эслатиб ўтамиз, аввалроқ WSJ Майкл Вульфнинг ушбу китобига таянган ҳолда Трамп собиқ маслаҳатчиси Иванкани «бефаҳм ғишт» деб атагани ҳақида хабар берганди.