Мансабдор шахслар ҳаракатлари устидан шикоят қилиш тизими такомиллаштирилади

Ўзбекистонда маъмурий адлия, яъни давлат идоралари ва уларнинг мансабдор шахслари қарорлари, ҳаракатлари (ҳаракатсизлиги) устидан шикоят қилиш тизими такомиллаштирилади. Бу ҳақда «Фаол тадбиркорлик, инновацион ғоялар ва технологияларни қўллаб-қувватлаш йили» давлат дастури лойиҳасида маълум қилинган.

2018 йил 1 июлга қадар бу борада тегишли норматив-ҳуқуқий ҳужжатлар лойиҳалари ишлаб чиқилади.

Лойиҳаларда:

ижро этувчи ҳокимият органлари ва уларнинг мансабдор шахслари қарорлари, ҳаракатлари (ҳаракатсизлиги) устидан юқори турувчи органларга шикоят қилиш тартибини янада такомиллаштириш;

низони судгача ҳал қилиш усули сифатида жисмоний ва юридик шахслар мурожаатларини коллегиал эшитиш механизмларини жорий этиш назарда тутилади.

Норматив-ҳуқуқий ҳужжатлар лойиҳалари устида Адлия вазирлиги, Олий суд, Бош прокуратура, ИИВ, ДБА иш олиб боради.