Ўзбекистон авиасаноати мутахассислари Самара университетида таҳсил олади

Ўзбекистон техник мутахассисларини Россия авиасаноати билан биргаликдаги ишлар учун тайёрлаш билан Самара миллий тадқиқот университети ўқитувчилари шуғулланади. Бу ҳақда Россия ОАВ хабар бермоқда.

РФ бош вазири ўринбосари Дмитрий Рогозин Россия авиасаноати билан ишлар учун ўзбек мутахассисларини тайёрлайдиган ОТМ номини маълум қилди. Бу ҳақда сиёсатчи ижтимоий тармоқда ёзган.

«Ўзбекистон техник мутахассисларини Россия авиасаноати билан қўшма ишлар учун тайёрлаш билан академик С.П.Королёв номидаги Самара миллий тадқиқот университети ўқитувчилари шуғулланишга тайёрлар», - дея ёзган у.

Аввалроқ, Ўзбекистон президенти Шавкат Мирзиёев 2018 йилда республикада авиация саноатини шакллантириш ва аэрокосмик саноатни яратиш бўйича вазифа топширгани маълум қилинганди. Лойиҳа 2035 йилга қадар мўлжалланган.