Ислом Каримов фонди Facebook’даги саҳифасида Ўзбекистон биринчи президентининг ака-укалари қуршовидаги аввал номаълум бўлган суратини эълон қилди.
Суратда 27 ёшли Ислом Каримов (чапдан учинчи) ака-укалари Қуддус, Ибодулло ва Хуршид билан тасвирланган. Фотосурат Самарқандда 1965 йилда олинган, дейилади изоҳда.
Эслатиб ўтамиз, аввалроқ Ислом Каримов фонди Ўзбекистон биринчи президентининг оиласига алоқадор янги фотосуратни эълон қилганди.
Фонд Ўзбекистон биринчи президенти хотирасини абадийлаштириш мақсадида 2016 йилнинг октябрида Татьяна Каримова ва Лола Каримова-Тиллаева томонидан ташкил этилган.
