"Урганч экскаватор"нинг 51 фоиз акцияси хорижий инвесторга ўтади

2018 йилнинг 18 январь куни Ўзбекистон Президенти иқтисодиётни тезкор ривожлантириш ва Хоразм вилоятининг инвестицион жозибадорлигини ошириш, хорижий инвесторларни мелиоратив ва йўл-қурилиш техникасини ишлаб чиқариш ва таъмирлаш мақсадида "Урганч экскаватор" акциядорлик жамияти фаолиятини такомиллаштириш тўғрисида"ги ПП-3481-сонли қарорни имзолади.

Қарорга мувофиқ:

• Ўзбекистон Президентининг 2016 йил 10 февралдаги P-4613 сонли "Тошкент шаҳридаги Халқаро инвестицион форум давомида "Ўзбекистон ҳаво йўллари" АЖ ва "Xuzhou Construction Machinery Co.Ltd"" (ХХР) (бундан кейин - хорижий инвестор) ўртасида эришилган келишувларни амалга оширишга доир чора-тадбирлар тўғрисида"ги фармонига мувофиқ, 2016 йилнинг 28 июнида "Урганч экскаватор" АЖ акцияларининг 51 фоизини хорижий инвесторга бериш тўғрисидаги оралиқ шартнома имзоланди;
• Имзоланган оралиқ келишувига асосан хорижий инвестор олти ой давомида инвестиция киритиш мажбуриятини олган. Мазкур инвестициялар технологик жиҳозлар, асбоб-ускуналар замонавий йиғиш линияси ва номоддий мол-мулк шаклида бўлади;
• Жамиятнинг устав капитали қўшимча акцияларни жойлаштириш йўли орқали оширилиши мумкин.

"Урганч экскаватор"нинг ягона акциядори ҳисобланган "Ўзбекистон темир йўллари" АЖ томонидан хорижий инвестор улушини 51 фоизга ошириш учун қўшимча акциялар ишлаб чиқариш орқали "Урганч экскаватор" АЖ устав капиталини оширишга доир қарор қабул қилинди.

Устав фонд улушлари қуйидаги тартибда тақсимланади:

• Хорижий инвестор - 51 фоиз;
• "Ўзбекистон темир йўллари" АЖ - 49 фоиз.

Қарорнинг тўлиқ матни билан Ўзбекистон Республикаси қонунчилиги сайтида танишишингиз мумкин.