Бугун Вьетнамнинг 23 ёшгача футболчилардан ташкил топган терма жамоаси сенсацион равишда Осиё чемпионати финалига йўл олди.
Турнирнинг асосий фаворити саналган Қатарга қарши ярим финал ўйинининг асосий вақтида 2:2 ҳисобидаги дуранг қайд этилди. Қўшимча бўлимларда ҳисоб ўзгармагач, пенальтилар серияси бошланди ва унда вьетнамликлар омадлироқ чиқишди.
Чорак финалда Вьетнам Ироқ билан 3:3 ҳисобида дуранг ўйнаб, пенальтилар сериясида устун келганди.
Терма жамоанинг муваффақияти Вьетнамда катта воқеага айланди. Ўйинни стадионларга йиғилиб томоша қилган футбол мухлислари ғалабадан кейин кўчаларда байрам қилишди.
Маълумот учун, Вьетнам турнир финалида, 27 январь куни Ўзбекистон вакилларига қарши майдонга чиқади.
