АҚШда фарзанд дунёга келтирадиган илк сенатор аёл пайдо бўлиши мумкин

Фото: Creative Commons

АҚШнинг Иллинойс штатидан аёл сенатор Тэмми Дакуорт ҳомиладор эканлигини маълум қилди: у шу тариқа сенатор лавозимини эгаллаб туриб, фарзанд дунёга келтирадиган илк аёлга айланиши мумкин.

Сенатор Chicago Tribune нашрига 2018 йил баҳорида иккинчи фарзандини туғишни кутаётганини айтган.

Аввалроқ конгресс аъзоси бўла туриб 9 аёл кўзи ёриган, бироқ уларнинг барчаси қуйи палатада ишлашган.

Дакуорт биринчи фарзандини қуйи палата депутати бўлган вақтда 2014 йилда дунёга келтирган.

Дакуорт 49 ёшда бўлиб, Ироқдаги уруш вақтида у бошқарган вертолёт ракета билан уриб туширилганда икки оёғидан маҳрум бўлган. Дакуорт сенатга 2016 йилда сайланган.