Тожикистон ўз фуқароларини Қозоғистонга вақтинчалик бормасликка чақирди
Тожикистон Республикаси Ташқи ишлар вазирлиги республика фуқароларига Қозоғистон ҳудудига ер усти транспортида вақтинчалик бормасликни тавсия қилди. Бу ушбу давлатда жуда кучли совуқ ҳарорат кузатилаётгани билан боғлиқ, деб хабар берди идора матбуот хизмати.
«Қозоғистон Республикасининг баъзи туманларида кескин совуқ тушиши муносабати билан фавқулодда вазият жорий этилгани туфайли, биз Қозоғистон Республикаси ҳудудига ер усти транспортида об-ҳаво шароитлари яхшиланмагунга қадар бормасликни тавсия этамиз», - дейилади Тожикистон ташқи сиёсат идораси хабарида.
Шу билан бирга, Қозоғистон Гидрометеорология маркази ҳаво ҳарорати 45 даража совуққа қадар тушиши кутилаётгани муносабати билан бўрон огоҳлантируви ҳақида эълон қилди. Остонада 23-26 январь кунлари кечқурун -35...-40 даража, кундузи -27...-32 даража совуқ бўлиши кутилмоқда.
Мавзуга оид
12:50 / 30.09.2024
Қозоғистон ўзбек этномаданий бирлашмалари уюшмаси раиси «Дўстлик» ордени билан тақдирланди
18:54 / 28.09.2024
Россияда Ўзбекистон фуқароларига паспорт олишда ноқонуний ёрдам берган жиноий гуруҳ ушланди
22:16 / 27.09.2024
Тўқаев кортежи маршрутидан ўқ отиш қуроллари топилди
20:17 / 27.09.2024