Кипрда президент сайловлари якунланди

Кипрда маҳаллий вақт билан 18.00да президент сайловларида овоз бериш якунланди. Мамлакатдаги 1100дан кўпроқ сайлов участкалари соат 7дан очиқ бўлган.

Сайловнинг якуний натижалари соат 20.30дан кейин олиниши кутилмоқда.

Сайлов комиссияси маълумотларига кўра, соат 17да рўйхатга олинган сайловчилардан 66,2 фоизи овоз бериб бўлган. Сайловлардаги иштирок 2013 йилдагидан пастроқ бўлган, ўшанда соат 17га қадар 77,6 фоиз сайловчи овоз бериб бўлганди.

Кипр президенти яширин овоз бериш билан 5 йилга сайланади. Бу сайловлар мустақил Кипр давлати ташкил этилгандан кейин 13-сонли президент сайловларидир. Мамлакат раҳбари лавозимига 9 номзод даъвогарлик қилмоқда. Агар 1-босқичда номзодлардан бирортаси 50 фоиздан кўпроқ овоз тўплай олмаса, унда 4 февралда 2-босқич ўтказилади ва унда 1-босқичда энг кўп овоз тўплаган 2 номзод кураш олиб боради.