Ҳиндистонда автобуснинг кўприкдан қулаши оқибатида ўнлаб одамлар ҳалок бўлди
Ҳиндистоннинг Ғарбий Бенгалия штатида йўловчи автобусининг кўприкдан дарёга қулаши оқибатида камида 36 киши ҳалок бўлди. Бу ҳақда маҳаллий ҳукуматга иқтибос келтирган ҳолда Reuters ахборот агентлиги хабар берди.
“Автобус Калькуттадан шимолга томон 280 км узоқликда, ҳайдовчи бошқарувни йўқотгандан кейин Бхайрав дарёсига қулаган”, деб маълум қилди штатнинг транспорт вазири Суванду Адхикари.
Унинг айтишича, фалокат вақтида автобусда 55 киши бўлган. Таъкидланишича, жасадларни сувдан чиқариб олишга 6 соат талаб қилинган. Омон қолганлар маҳаллий шифохонага етказилганлар.
Штат ҳукумати воқеани тергов қилишни бошлаганини ва ҳалок бўлганлар оилаларига 8 минг доллардан компенсация тўланишини эълон қилган.
Мавзуга оид
22:19 / 24.09.2024
АҚШ Ҳиндистонга қарийб 300 та тарихий буюмларини қайтаради
14:50 / 24.09.2024
Ўзбекистонда таҳсил олаётган ҳиндистонлик ёшлар сони 5 мингдан ошгани маълум бўлди
21:42 / 23.09.2024
Ҳиндистонда яшин уриши оқибатида саккиз киши ҳалок бўлди
09:50 / 21.09.2024