Финал жуфтликлари маълум. Мадримов кубалик рақибга қарши рингга чиқади

Бугун, 1 февраль куни Ҳиндистонда бўлиб ўтаётган India Open турнирида ўзбекистонлик 7 нафар чарм қўлқоп устаси финалда жанг қилади.

49 килограммгача бўлган вазн тоифасидаги жангларда қатнашган Мироншоҳ Ибрагимов нимчоракда, 60 килограммача бўлган Шербек Раҳматуллаев ҳамда 91 килограммдан ортиқ вазн тоифасидаги Лазиз Муллажонов чорак финалда турнирни тарк этди. Ярим финалда жанг қилган 7 нафар боксчи эса йўқотишларсиз финалга йўл олди.

Бугун финалда етти ўзбекистонлик жанг қилади. Исроил Мадримов ва Иқболжон Холдоровнинг рақиблари кубалик боксчилар. Яна 4 ўзбекистонлик спортчи мезбон боксчиларни синовдан ўтказади. Абдулҳай Шораҳматов эса мўғилистонлик Амар Харкуга қарши рингга чиқади.