Lexus Женевадаги моторшоу учун BMW X1’га рақобатчини тайёрлаб қўйди

Lexus компанияси Женевада ўтадиган моторшоуда ўзининг янги кроссовери — UX’ни намойиш этади. Бугунги кунда янги моделнинг фақат дастлабки тизерлари эълон қилинган, у Mercedes-Benz GLA, Audi Q3 ва BMW X1 га рақобат қилиши керак бўлади. Ушбу автомобиль ҳақида батафсил маълумот ҳозирча йўқ, деб ёзади Motor.ru.

Кроссовер шу номдаги икки йил муқаддам Париж автосалонида дебют қилган прототип услубиятида қурилади. Марканинг Францияда жойлашган Европа дизайн-марказида яратилган концепт қорайтириш мумкин бўлган электрохром ойналар ва «кинетик курсилар» деб аталувчи ўриндиқлар билан жиҳозланган. Уларнинг суянчиғи тузилмаси тўлиқ сунъий ўргимчак ипаги асосидаги эко-материаллардан ясалган.

Илгарироқ, UX модели моделлар гаммасида CT 200h гиюрид ҳэтчбеки ўрнини эгаллаши ва NX йўлтанламасидан бир поғона пастроқда жойлашишини тахмин қилинганди.

UX кроссоверидан ташқари, «Лексус» Женевага етти ўриндиқли RX L ва январь ойи бошида Детройтдаги автосалонда дебют қилган LF-1 Limitless концепт-карини ҳам олиб келади.