Умид Аҳмаджонов яна бир ташкилот президенти этиб сайланди

Ўзбекистон Миллий Олимпия қўмитаси президенти, Ўзбекистон футбол Ассоциацияси 1-вице-президенти Умид Аҳмаджонов Марказий Осиё, Эрон, Афғонистон Футбол Ассоциациясилари (CAFA)нинг янги президенти этиб сайланди. Бу ҳақда ЎФА матбуот хизмати хабар тарқатди.

Манбага кўра, 24 февраль куни Тошкентдаги «HYATT REGENCY» меҳмонхонасида CAFAга аъзо мамлакат вакиллари иштирокида Конгресс бўлиб ўтган. Айнан шу тадбирда Аҳмаджонов янги лавозимга тайинланган.

Конгрессда Эрон, Афғонистон, Қирғизистон, Тожикистон, Туркманистон каби давлатлардан делегатлардан ташқари, Жанубий Корея ва Қатар давлатидан ташриф буюрган юқори мартабали меҳмонлар иштирок этишди. 

КАФА Конгрессида қуйидаги расмий делегатлар иштирок этишди:

Саид Алиризо Оғазодий – Афғонистон Футбол Федерацияси Бош котиби
Маҳдий Таж – Эрон футбол федерацияси Президенти
Али Кафашиян (Эрон) – ОФК вице-президенти
Семетей Султанов – Қирғизистон Футбол федерацияси Президенти
Достонбек Қоноқбоев - Қирғизистон Футбол федерацияси вице-президенти
Хуршед Мирзо (Тожикистон)  – КАФА вице-президенти
Давлатманд Исломов – Тожикистон футбол федерацияси Бош котиби
Фарҳод Сайфиддинов (Тожикистон) – Ижроия қўмитаси аъзоси
Чарияр Атаев -  Туркманистон футбол федерацияси вице-президенти
Бобоназар Ҳақназаров – Туркманистон ФФ мусобақалар бўйича бошқарма бошлиғи
 
Шунингдек, КАФА Конгрессига қуйидаги меҳмонлар таклиф этилган:
Воҳид Карданий (Эрон) – ОФК Халқаро бошқарма бошлиғи
Чунг Монг Гю – Жанубий Корея футбол Ассоциацияси президенти
Парк Ёнг Су - Жанубий Корея футбол Ассоциацияси президентининг маслаҳатчиси
Шайх Халифа ат-Таний – Қатар футбол Ассоциацияси президенти
Халифа Ҳусайн Жоҳар – Қатар футбол Ассоциацияси президентининг маслаҳатчиси
Тариқ ан-Наъма - Қатар футбол Ассоциацияси вице-президенти
Али Довуд Аш-Шукрий – Қатар футбол Ассоциацияси Ижрочи-директори
Муштоқ Ал-Вайили - Қатар футбол Ассоциацияси Ижрочи-директори