Ҳуқуқий билимлар танловида сунъий интеллект нуфузли юридик фирмаларнинг 20 нафар ҳуқуқшуносини ортда қолдирди.
Танлов давомида ҳуқуқшунослар маълумотларни тарқатмасликка доир бешта турли шартнома билан танишиб чиқишди. Улар юридик нуқтаи назардан шубҳали шартнома пунктларини қайд этишлари керак бўлди. Тўғри танлов учун балл қўшиб борилди.
Ҳуқуқшуносларнинг беш вазифа бўйича ўртача балли 85 фоизни ташкил қилди. LawGeex фирмаси томонидан ишлаб чиқилган алгоритм эса 94 фоизни қайд этди.
Inverse нашрида хабар берилишича, танловда иштирок этишдан авввал алгоритм уч йил давомида ўн минг шартнома мисолида ўргатилган.