Автомашинани расмийлаштириб бериш учун 24 млн сўм олган ота-бола ушланди

Тошкент шаҳрида автомашинани расмийлаштириб бериш учун 24 млн сўм олган ота-бола қўлга олинди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 2017 йил 5 январь куни Шайхонтоҳур тумани Тинчлик 6-тор кўчасида яшовчи, 1963 йилда туғилган А.А. ва ўғли, 1986 йилда туғилган А.А. Қорасув 6-даҳа ҳудудида жойлашган “Азамат” номли спорт мажмуаси олдида Қорасув даҳасида яшовчи, 1980 йилда туғилган Ш.К. “КIA FORTE” русумли автомашинасини унинг номига 1 ой муддат ичида ўтказиб беришни ваъда қилишиб, 24 млн сўм пулларини олиб, берган ваъдаларини бажармасдан пулларни ўз эҳтиёжлари йўлида ишлатиб юборганликлари маълум бўлган.

Натижада А.А. ва А.А.лар қўлга олинган.