ЕИ Сурияга қарши санкцияларни кенгайтирди

Фото: РИА "Новости"

Европа иттифоқи Сурияга нисбатан жорий этилган санкцияларни кенгайтирди. Бу ҳақда ЕИ Кенгаши матбуот хизмати томонидан эълон қилинган баёнотда айтилади.

Таъкидланишича, санкция рўйхатига тўрт киши қўшилди. Улар, ЕИ баёнотида айтилишича, кимёвий қуролни ишлаб чиқиш ҳамда ундан фойдаланишга алоқадор бўлиши мумкин.

Улар орасида – юқори мансабли ҳарбий амалдор, шунингдек, илмий-тадқиқот марказида ишловчи уч нафар олим бор.

Аввалроқ ЕИ Сурия саноат ва ахборот вазирларига қарши санкциялар жорий этганди.

#Сурия #санкция #Европа иттифоқи