Қўшимча функционаллар
-
Тунги кўриниш
ЕИ етакчилари Скрипаль ишида Россиянинг қўли борлигини тан олишди
Дональд Туск/Фото: Reuters
Европа иттифоқи етакчилари Буюк Британиянинг Скрипаль иши бўйича позициясига қўшилишди. Унга кўра, Россия, катта эҳтимол билан, Солсберида ГРУ собиқ полковниги Сергей Скрипалга уюштирилган ҳужум учун масъул экани айтилади. Бу ҳақда Еврокенгаш раҳбари Дональд Туск маълум қилди.
«Еврокенгаш Бирлашган Қироллик ҳукуматининг Россия Солсберидаги ҳужум учун масъул экани ҳақидаги позициясига қўшилади. Бунга бошқа ҳеч қандай изоҳ ҳам йўқдир», - дея ёзган у твиттердаги саҳифасида.
Аввалроқ, Буюк Британия бош вазири Тереза Мэй Россия бутун Европа учун таҳдид саналиши ҳақида маълум қилганди.
Скрипаль иши
Буюк Британия фойдасига жосуслик қилган ГРУ собиқ полковниги Сергей Скрипаль 4 март куни заҳарланди. Буюк Британия бу суиқасдда Россияни айблади
