Фото: REUTERS/Elijah Nouvelage
Американинг Tesla электрмобиллар ишлаб чиқарувчиси 123 мингта Model S автомобилларини ортга чақиртириб олмоқда. Бу руль гидрокучайтиргичи билан боғлиқ эҳтимолий муаммолар туфайли юз беряпти, деб хабар қилади Рейтер агентлиги компания мижозларига юборилган мактубга таянган ҳолда.
Компаниянинг кўрсатишича, автомобиллар ортга чақиртириб олинишига руль гидрокучайтиргичидаги болтларни алмаштириш зарурати сабаб бўлган. Улар занглашга мойил бўлиб, бу айниқса совуқ иқлим шароитида юз беради, шунда йўлларга музга қарши реагент сепилади, у кальций ва магний тузларига эга.
Компаниядан таъкидлашларича, 2016 йилнинг апрелига қадар чиқарилган моделлар ортга чақиртириб олинади.
