Наманган вилоятининг Норин туманида ёнғин, бир инсон ҳалок бўлди

Иллюстратив фото/Pixabay

Наманган вилоятининг Норин туманида ёнғин юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 29 март куни соат 07.20ларда, “Ўзбекистон” МФЙ С.Адашев кўчасида яшаган, нафақахўр К.Ю. уйида қўлбола усулда ясалган иситиш печини ёқиб ухлаб қолиши оқибатида ёнғин содир бўлган.

Кўрилган чоралар натижасида ёнғин ўчирилган. Ёнғин оқибатида уйдаги кўрпа тўшаклар ёниб, зарар кўрган ва ёнғин ўчириш вақтида уй эгаси К.Ю.нинг куйган ҳолдаги жасади топилган. Суриштирув ишлари олиб борилмоқда.