ИШИД ЖЧ-2018 масаласида Путинга таҳдид қилди

ИШИД жангарилари Россияда бўлиб ўтадиган ЖЧ-2018 вақтида мамлакатга ҳужум уюштириш билан таҳдид қилди. Бу ҳақда Daily Mail нашри хабар тарқатди.

Манба берган хабарга кўра, шу мақсадда ИШИД тарафдорлари ижтимоий тармоқлар орқали Россияга таҳдид қилинган плакатларни тарқатишмоқда.

Таҳдид шахсан Россия президенти Владимир Путинга қаратилган. Улар жангариларга қарши курашда Сурия президенти Башар Асадни Россия томонидан қўллаб-қувватланганини бунга сабаб сифатида кўрсатган.

Плакатларнинг бирига: «Россия-2018. Путин, сен кофирсан. Мусулмонларни ўлдирганинг учун жавоб берасан», деб ёзилган.

Олдинроқ, жангарилар тарафдорлари Лионел Месси ва Криштиану Роналдуга таҳдид қилинган плакатларни тарқатишганди.

Эслатиб ўтамиз, ЖЧ-2018 мусобақаси Россиянинг 11 шаҳрида 14 июндан 15 июлга қадар бўлиб ўтади.