Юксак мақсадлар сари интилган “Ижод Пресс” истиқболли манзиллар сари одимламоқда

Ер юзида миллиардлаб одамлар бўлса, демак ана шунча тақдирлар дегани. Тақдирда неки мусибат-у неки шодлик бўлса, ҳаммасини кўрасиз, ҳаётингизга қабул қиласиз. Энг аҳамиятли жиҳати тақдирлардаги манзиллар барчани бир нуқтада бирлаштиради. Бугун биз ана шундай манзилда бўлдик ва у ердагилар билан суҳбатлашдик.

{Yii::t(}

Ўтказиб юбориш 6s

“Ижод Пресс” бугунги кунда энг илғор ва сифатли нашриётлардан бири. Айтиш керакки, бугун бу ерда кўплаб ўзбек ва хориж ёзувчиларининг бадиий асар ҳамда таржималари, болалар учун адабиётлар, оммабоп қўлланмалар, луғатлар ва турли ўқув маҳсулотлари нашрга тайёрланиб, замонавий технологияга асосланган ўз босмахонасида ишлаб чиқарилмоқда. Бу манзилда кўзи ожиз бўлган юртдошларимизнинг меҳнат қилиши эътиборимиз марказида бўлди.

Мазкур нашриётга айни кунда Шерзоджон Ҳошимов раҳбарлик қилиб келмоқда. Нашриёт ишлари билан танишар эканмиз у киши бир фикр айтди. “Нашриётлар бугунги кунда автоматлашган босқичга ўтган. Бироқ биз бундай қилмадик. Кўзи ожиз юртдошларимизнинг иш ўринларини сақлаб қолиш, улар билан елкама елка туриб ишлаш муҳим”, деди.

- 2004 йил мазкур нашриёт ишини бошлаганмиз. Бошланишида кўзи ожизлар қийналмаслиги учун оддий ишлардан бошлаганмиз. Кейинчалик фаолиятимизни кенгайтириб, китоб нашр қилиш ишини йўлга қўйдик. Айни дамда нашриётда 15 нафар кўзи ожиз ходим ишламоқда, - дейди босмахона раҳбари Баҳром Хасанов.

Биз Нашриётдаги ходимлар билан кичик суҳбат қурдик.

- Бу ерга 2017 йил сентябрь ойида ишга келганман, - дейди Зайнаб Машрапова. – Бу ернинг шароитлари яхши. Бу ерда муқовачи бўлиб ишлайман. Ўз ишимни астойдил қилиш учун ҳаракат қиляпман. Орзуларим кўп. Ўзим ҳам бўш вақтимда ижод қилиб тураман ва ниятим мана шу ёзганларимни китоб қилиб чиқариш.

Ҳозирги кунда босмахонада юқори сифатли китоб, этикетка, қадоқлаш қутилари ва бошқа рангли босма маҳсулотлар ишлаб чиқаришга ихтисослашган янги, замонавий технологик ускуналарни сотиб олиш учун банкдан узоқ муддатли кредит маблағи олинмоқда. Бу билан камида 30 нафар ногиронлиги бор шахс учун яна янги иш ўринлари яратилади.

Бугунги кунда ногиронлиги мавжуд шахсларни иш билан таъминлаш, аҳолига арзон, мазмунли ва бежирим китоблар етказиб, маърифий зиё тарқатиш “Дизайн-принт” ўқув-ишлаб чиқариш корхонасини меҳнат жамоасининг эзгу шиоридир.