Сурхондарёда қайинсинглисини пичоқлаб ўлдирган шахс қўлга олинди

Иллюстратив фото

Сурхондарё вилоятининг Қумқўрғон туманида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 12 апрель куни соат 13.30ларда, Жарқўрғон тумани Кунчиқиш маҳалласида рўйхатда туриб, вақтинча Дўстлик маҳалласи Ҳамза кўчасида яшовчи, 1957 й.т. Н.Б. уйида ўзаро жанжал оқибатида қайинсинглиси, 1987 й.т. Ш.Қ.нинг бўйин қисмига пичоқ билан уриб жароҳат етказган.

Натижада Ш.Қ. касалхонага олиб борилган вақтида вафот этган. Н.Б. қўлга олинган.