Барселонадаги намойишларда 315 мингдан ортиқ киши иштирок этди

Барселонада ҳибсга олинган каталониялик сиёсатчиларни қўллаб-қувватлаб намойиш ўтказилди. Шаҳар полицияси маълумотига кўра, маҳаллий вақт билан соат 12:50да бошланган акцияларда жами 315 мингдан ортиқ киши иштирок этган.

Митингга ҳудудий парламент вакиллари, турли сиёсий пртиялар ва бирлашмалар тарафдорлари, мухторият истовчилар ҳам қўшилишган. 

Намойиш куни Миллий Каталония ассамблеяси собиқ раҳбари Жорди Санчес ҳибсга олинганига ярим йил тўлган кунда ўтказилди. 

Намойиш иштирокчилари ўзлари билан «эстелада» - Каталон ерининг норасмий байроғини, мустақиллик тарафдорлари рамзини олиб чиқишган.  

Йиғилганлар қамоқхоналардаги сиёсий маҳбусларнинг ҳуқуқлари таъминланишини талаб этишган, улар Испания ҳудудидан қочиб кетишга мажбур бўлган собиқ депутатлар ва сиёсатчиларни қўллаб-қувватлашган. «Биз сизларни уйларингизда кўришни истаймиз», дейилган плакатлардан бирида.

Айни вақтда Испания Олий суди қарорига кўра бир неча нафар каталониялик сиёсатчилар ҳибсда тутиб турилибди. Мустақиллик ҳаракатининг бир қатор етакчилари, жумладан, мухториятнинг собиқ раҳбари Карлос Пучдемон Испания Қироллиги чегараларидан ташқарида. Олий суд Каталония маъмуриятининг собиқ 13 нафар амалдорини ноқонуний референдум орқали исён ташкил этишда айблаган.