Украинанинг собиқ президенти Виктор Янукович мамлакат ҳукуматига очиқ хат ёзди. Собиқ президент тўнғич ўғли Александрнинг матбуот котиби Юрий Кирасир ўзининг Facebook саҳифасида ушбу хат матни билан бўлишди.
Хатда Янукович Киев Оболон суди қарорини ноқонуний деб атаган. Унинг фикрича, "суд жуда шошган, чунки мазкур иш бўйича гувоҳлар томонидан айтиладиган ҳақиқат муддатидан аввалги парламент сайловлари натижаларига таъсир қилиши мумкин эди, бу сайловларда эса Порошенко ва унинг одамлари ғалаба ҳақида орзу қилмоқда".
Янукович амалдаги режим "Тинч Майдан", "қонхўр диктатор", "Донбасс сепаратистлари" ҳақидаги ёлғон ҳикоялар устига қурилган. Унинг фикрича, ҳақиқат шундаки, "бу жиноятчилар ўз ҳукмронлигини кўзлаб, дастлаб ўт очишган, кейин эса кераксиз Қримдан қутулишган, сўнгра Донбассдаги минглаб украиналиклар қонини тўкишган".
"Ҳукумат мени суд қилмаяпти - у мен учун овоз берган миллионлаб украиналикларни намойишкорона ҳукм қилмоқда. У Майданга қарши бўлганларни... давлат тўнтарувига қарши бўлганларни судламоқда. Мамлакатда рўй бераётган воқеалар - амалдаги режимнинг асоратлари. Бу уларнинг тез орада кутилаётган инқироз олдидаги қўрқувидир. Улар ҳукуматни қўлдан чиқаргач, суд олдида эмас, ғазабдаги Украина халқи олдида қолишларини тушуниб туришибди", - деб ёзади собиқ Украина президенти.
Виктор Янукович 2010-2014 йилларда Украина президенти бўлган. У 106 кишининг ўлимига олиб келган "Евромайдан"дан кейин мамлакатни тарк этган.
