Трамп Макронга нима совға қилиши маълум бўлди

Фото: Reuters /Charles Platiau

АҚШ президенти Дональд Трамп ва унинг рафиқаси Меланья Трамп Франция раҳбари Эммануэль Макронга Оқ уйдаги Мовий хонада жойлашган стул қопламаси бир қисмини совға қилади. Бу ҳақда CNN хабар бермоқда.

Телеканал маълумотларига кўра, Трампларнинг совғаларидан бири рамкага солинган стул қопламаси бир қисми бўлади. Стул АҚШ бешинчи президенти Жеймс Монронинг буюртмасига кўра ясалган мебель гарнитури бир қисми эди.

Шунингдек, Макронлар оиласи ташрифи давомида олинган фотосуратлар жойлаштирилган альбом ва Дональд ҳамда Меланья Трамп дастхати қўйилган кумуш косани совға сифатида қабул қилиб олади.

Эслатиб ўтамиз, аввалроқ Франция Сурияга ракета зарбаси видеосини эълон қилганди.