Apple бутунлай шишали iPhone’га патент олди

Фото: AP

Apple компанияси бутунлай шишали iPhone’ни яратиш учун патент олди. Бу ҳақда Patently Apple ёзмоқда.

Компания шишали iPhone устида етти йилдан бери ишламоқда, Apple’да биринчи шунга ўхшаш патент 2011 йилда пайдо бўлган. Шу билан бирга, ҳам корпус, ҳам тузилмавий конструктив элементлар шишадан тайёрланади. Уларга платалар ва смартфон деталлари мустаҳкамлаб қўйилади. Шунингдек маълум бўлишича, қурилма ҳам қаттиқ, ҳам эгилувчан экранга эга бўлиши мумкин. Бундан ташқари, шишадан нафақат iPhone’ни, балки Apple бошқа қурилмаларини ҳам тайёрлаш мумкин.

Эслатиб ўтамиз, аввалроқ Apple компанияси Айзек Азимовнинг «Асос» илмий-фантастик трилогияси бўйича телесериал суратга олиши хабар қилинганди.