Ўзбекистонликларнинг хорижий бигтех компаниялар пулли хизматларидан фойдаланиши 80 фоизга ошди

Ўзбекистонда электрон хизматлар кўрсатувчи 89 та хорижий компания томонидан 2026 йилнинг I чорагида 65,7 млрд сўм солиқ тўланган. Бу ўтган йилнинг мос даврига нисбатан 81 фоизга кўп, дея хабар берди Солиқ қўмитаси.

Энг кўп солиқ Apple томонидан тўланган – 16,1 миллиард сўм.

Тўланган солиқларнинг қарийб 92 фоиз қисми электрон хизматлар кўрсатувчи 10 та хорижий компания ҳиссасига тўғри келади:

• Apple – 16,1 млрд сўм;
• Google – 14,9 млрд сўм;
• Meta – 13,9 млрд сўм;
• Valve Corp. – 8 млрд сўм;
• OpenAI – 2,5 млрд сўм;
• Anthropic – 1,5 млрд сўм;
• Midasbuy – 1,3 млрд сўм;
• TikTok – 868 млн сўм;
• Вооking.com – 694 млн сўм;
• Netflix – 570 млн сўм.

Эслатиб ўтамиз, 2026 йил 1 январдан Ўзбекистонда солиқ органларида рўйхатдан ўтмай фаолият юритаётган хорижий онлайн компанияларга чекловлар қўллаш тартиби ишга тушди.