«Катта еттилик» Россияга қарши санкцияларни янада кучайтириши мумкин

«Катта еттилик» давлатлари ТИВ раҳбарларининг маълум қилишича, Донбассдаги вазият туфайли Россияга қарши янги санкциялар жорий этилиши мумкин. Бу ҳақда РИА «Новости» хабар берди.

«Биз яна бир марта эслатиб ўтмоқчимизки, Донбасс бўйича иқтисодий санкцияларнинг узайтирилиши Россия томонидан Минск келишувларини тўла ва ортга қайтариб бўлмас тарзда бажарилиши билан бутунлай боғлиқ. Бу санкциялар, агарда Россия ўз мажбуриятларини бутунлай бажарса, бекор қилинади, бироқ биз, агарда Россия ҳаракатлари талаб қилса, янги чеклов чораларини ҳам қабул қилишга тайёрмиз», - дейилади G7 ташқи ишлар вазирлари қўшма баёнотида.

Эслатиб ўтамиз, аввалроқ «катта еттилик» давлатлари ТИВ раҳбарлари Россияни беқарорлаштирувчи ҳаракатларда айблаб чиқишгани хабар берилганди.