«Katta yettilik» Rossiyaga qarshi sanksiyalarni yanada kuchaytirishi mumkin

«Katta yettilik» davlatlari TIV rahbarlarining ma'lum qilishicha, Donbassdagi vaziyat tufayli Rossiyaga qarshi yangi sanksiyalar joriy etilishi mumkin. Bu haqda RIA «Novosti» xabar berdi.

«Biz yana bir marta eslatib o‘tmoqchimizki, Donbass bo‘yicha iqtisodiy sanksiyalarning uzaytirilishi Rossiya tomonidan Minsk kelishuvlarini to‘la va ortga qaytarib bo‘lmas tarzda bajarilishi bilan butunlay bog‘liq. Bu sanksiyalar, agarda Rossiya o‘z majburiyatlarini butunlay bajarsa, bekor qilinadi, biroq biz, agarda Rossiya harakatlari talab qilsa, yangi cheklov choralarini ham qabul qilishga tayyormiz», - deyiladi G7 tashqi ishlar vazirlari qo‘shma bayonotida.

Eslatib o‘tamiz, avvalroq «katta yettilik» davlatlari TIV rahbarlari Rossiyani beqarorlashtiruvchi harakatlarda ayblab chiqishgani xabar berilgandi.