“Ҳеч ким қаттиққўлроқ бўлмаган”: Трамп Россияга муносабатини шундай изоҳлади

АҚШ президенти Дональд Трамп Fox News телеканали эфирида Москвага қаттиққўл муносабатда эканлигини айтди.

Трамп журналистлар билан телефон орқали мулоқотда руслар билан яширинча тил бириктирмаганини таъкидлаб ўтган. 

Трампнинг айтишича, унгача ҳеч ким давлат манфаатларини бунчалик қаттиққўллик билан ҳимояламаган. У бунга мисол тариқасида АҚШ томонидан алюминийга божлар киритилиши ва 60 россиялик дипломатнинг чиқариб юборилишини эслатиб ўтган.

“Ҳеч ким қаттиққўлроқ бўлмаган, ҳаттоки бунга яқин ҳам бўлмаган. Биз эса бу алжирашни  эшитмоқдамиз”, деб ўз сўзларини интиҳолаган Трамп.