Samsung янги смартфонларга қизиқиш сусайиши мумкинлигидан огоҳлантирди
Samsung 2018 йил 1-чораги бўйича ҳисобот берди. Компания тушуми 20 фоизга ошганига қарамай, смартфонларга талаб камайиши мумкинлигини таъкидлаб ўтган.
Компанияда тушумнинг ўсиши компаниянинг микрочиплари ва флагман қурилмаларига талаб юқорилиги билан боғланган. Бироқ компания 2-чоракда мобил қурилмалар бизнеси даромади флагман смартфонлари савдосидаги сусайиш, паст талаб, маркетинг харажатлари ва кучайиб бораётган рақобат сабабли пасайиши мумкинлигидан огоҳлантирди.
Canalys тадқиқот компанияси маълумотларига кўра, дунёдаги энг йирик смартфонлар бозори – Хитойда савдо 1-чоракда 21 фоизга камайган. Жорий йилнинг илк 3 ойида 91 млн та смартфон сотиб олинган. Охирги марта бундай паст кўрсаткич 2013 йилда қайд қилинган.
Мутахассислар Хитойда Samsung қурилмалари савдосининг пасайишини ҳар йили 50 фоизга баҳолашган. 1-чоракда Хитойда 2 млнта қурилма сотилган. Apple’нинг ҳам Хитойда савдоси пасайган.
Бироқ Хитойда Huawei ва Xiaomi савдоси ўсган. Canalys’нинг прогнозига кўра, Хитой бозори 2-чоракда Oppo ва Vivo’нинг янги флагман смартфонлари чиқиши эвазига ўсади, бироқ 2018 йил учун умуман пасайиш хос бўлади.
25 апрелда чиплар ишлаб чиқарувчи Teradyne, Corning ва SK Hynix компаниялари смартфонлар бутловчи қисмларига талаб пасайганини маълум қилган.
Мавзуга оид
14:35 / 09.10.2024
Эксперимент: Маърузада смартфонлардан қисқа муддат фойдаланиш талабаларга диққатни жамлашга ёрдам бериши мумкин
21:57 / 26.09.2024
Samsung ходимлари радиацияга учрагани туфайли компания жаримага тортилди
22:24 / 19.09.2024
Samsung’нинг Ҳиндистондаги заводи ходимлари иш ташлаш эълон қилди
21:48 / 18.09.2024