Макрон Путинга қўнғироқ қилаётгани тасвирланган видеони эълон қилди

Франция президенти Эммануэль Макрон твиттердаги саҳифасида самолётдан қисқача видеони жойлаштирди, унинг давомида у Австралияга парвоздан аввал Россия президенти Владимир Путинга қўнғироқ қилади.

"Владимир Путин билан телефон мулоқоти ўтказдим, бу вазиятни яна бир бор баҳолаш учун керак эди. Эрон ҳеч қачон ядро қуролига эгалик қилиши керак эмас. Минтақадаги барқарорлик ва халқаро хавфсизлик шунга боғлиқ. Биз бунинг устида ишламоқдамиз, бу худди Сурияда адолатли тинчлик ўрнатиш устидаги ишга ўхшаш", - дея ёзган Франция президенти твиттерда француз ва инглиз тилида.

Макрон Австралияга жўнаб кетишидан аввал Путинга қўнғироқ қилаётгани тасвирланган видеони ҳам эълон қилди.

Кремль матбуот хизмати ҳам бу борада хабар тарқатди. Қайд этилишича, Россия президенти Владимир Путин франциялик ҳамкасби Эммануэль Макрон билан телефон орқали мулоқотда Эрон ядровий келишувини муҳокама қилган.