Ҳавайи оролида дунёдаги энг хавфли вулқонлардан бири Килау-Эа уйғонди. Шу сабабли яқин атрофдаги 2 мингга яқин одам эвакуация қилинди.
Вулқондан отилиб чиққан лава ўрмонларда ёнғин чиқариб, турар жойларга ҳам етиб келган. Таъкидланишича, кул сабабли кўриниш даражаси ёмонлашган, нафас олиб бўлмаяпти.
Табиий офат ҳудудини ҳаммаси бўлиб 10 мингдан кўпроқ одам тарк этиши керак. Уларга АҚШ миллий гвардияси бўлинмалари ёрдам бермоқда.
Вулқон отилишидан олдинроқ АҚШ геологик хизмати вулқон ҳудудида магнитудаси 5 баллни ташкил қилувчи бир нечта ер силкинишини қайд қилган.
Килау-Эа дунёдаги энг фаол вулқонлардан бири ҳисобланади.
