Қозоғистон давлат қарзи ҳақида маълумот берилди

Фото: Tengrinews

Қозоғистоннинг давлат қарзи бир йил давомида 20 фоизга ошди ва қарийб 15 триллион тенге (45,45 миллиард доллар)ни ташкил этди, деб хабар бермоқда finprom.kz.

2018 йил март ойида Қозоғистон Республикасининг давлат қарзи 14,8 трлн тенгени ташкил этди, бу бир йил аввалгига нисбатан 20,9%га кўп (12,3 триллион тг, $37,3 млрд).

Мамлакатнинг умумий давлат қарзи давлат қарзидан - 14,3 триллион тг (43,3 млрд доллар, йиллик ўсиш - 20,1%), давлат томонидан кафолатланган қарзлар - 428,5 млрд тг (1,3 млрд доллар, ўсиш -59,4%) ва давлат кафолати остидаги қарзлардан иборат - 37,8 миллиард тг (114,5 миллион доллар).

Давлат қарзи ўсишига таъсир кўрсатган асосий омилга ҳукуматнинг ички қарзи айланди (39,5%). Бир йил мобайнида у 30,9%га ортди, 4,4 тг.дан 5,7 трлн тг. (13,3 млрд доллардан 17,2 млрд доллар)га ошди. Шу билан бирга, ташқи қарз деярли ўзгармади – ўсиш 0,1% ёки 5 млрд тг (15,15 млн доллар).

Охирги 5 йилда давлат қарзи 3,7 бараварга (10,8 триллион тг), 4 трлн тг.дан 14,8 трлн тг.га ўсди.

Тайёрлаган: Отабек Матназаров

#Қозоғистон #давлат қарзи