27 майда Колумбияда ўтган президенти сайловларининг 1-босқичида мутлақ ғолиб аниқланмади. Овоз бериш натижаларига кўра, 17 июнда ўтадиган сайловларнинг 2-босқичига 39 фоиз овоз билан ўнг кучлар номзоди Иван Дуке ва 25 фоиз овоз билан сўл кучлар номзоди, пойтахт Боготанинг собиқ мэри Густаво Петро ўтдилар.
Сайловларнинг 2-босқичи 17 июнга белгиланган.
Кузатувчиларнинг таъкидлашларича, ҳукумат Колумбия инқилобий қуролланган кучлари (КИҚК) билан тузган тинчлик сулҳининг кейинги тақдири Колумбиянинг кейинги президенти ким бўлишига боғлиқ бўлади. Дуке бир неча бор бу битим ўзгартирилиши кераклигини, жумладан КИҚКнинг собиқ аъзолари қуролли ихтилоф вақтида содир этган қонунбузарликлари учун жазоланишлари кераклигини айтган. Петро эса, аксинча, битимнинг сақланиб қолишини қўллаб-қувватлайди.
КИҚК билан тинчлик ўрнатилиши ярим асрдан узоқроқ давом этган ва 250 мингдан кўпроқ одамнинг ҳаётини олиб кетган ихтилофга якун ясаганди. Гуруҳ қуролларни ташлаган ва унинг негизида сиёсий ҳаракат ташкил этилган.
