Ўзбекистондан чиқишга қўйилган тақиқни қандай текшириш мумкин?

Фото: customs.news

Баъзан маълум бир шахс чипта сотиб олиб, аэропортга келганида унга Ўзбекистон Республикасидан чиқишга вақтинчалик чеклов қўйилгани маълум бўлгани, бунга ижро ҳужжатлари бўйича қарздорлик борлиги олиб келгани ҳақида эшитиб қоламиз.

Бош прокуратура ҳузуридаги Мажбурий ижро бюроси сайтида коммунал хизматлар ва алиментлар учун қарздорларнинг электрон базаси бор.

Маълумотларга кўра, бу базага киритилган жисмоний ва юридик шахсларга чет элга чиқиш тақиқланган. Тақиқ коммунал қарздорликлар ва алиментларни тўламаганлик учун тегишли суднинг қарори асосида қўйилиши мумкин.

Чиқишга чекловни қуйидаги ҳавола орқали ўтиб, текшириб кўриш мумкин:

https://mib.uz/restriction

Шу билан бирга, сиз тегишли устунларга ўз фамилиянгиз, исмингиз ва отангизнинг исмини киритишингиз керак.

Тайёрлаган: Отабек Матназаров

#қарздорлик #МИБ #Тақиқ