Ким Чен Ин Трампга ракета полигонини йўқ қилишга ваъда берган

Фото: Reuters

Шимолий Корея етакчиси Ким Чен Ин АҚШ президенти Дональд Трампга Шимолий Корея ғарбидаги Сохэ ракета полигонини йўқ қилишга ваъда берган. Бу ҳақда Трамп ва Ким Чен Ин саммити вақтида келишилганди, деб хабар берди CBS News.

Бироқ Ким Чен Ин ваъдасининг устидан қачон чиқишига аниқлик киритилмаган.

“АҚШ бу жой ортидан синчков кузатув олиб боради, чунки биз музокараларда олдинламоқдамиз”, деб айтган Оқ уй вакили.

Таъкидланишича, Шимолий Корея Сохэ полигонидан узоқ масофаларга мўлжалланган баллистик ракеталари учун ракета двигателларини синовдан ўтказиш учун фойдаланади. Мутахассисларнинг фикрича, айнан шу полигонда АҚШгача учиб бора оладиган Hwasong-15 қитъалараро ракетаси яратилган.