Марадона футбол тарихидаги энг истеъдодли ўйинчини айтди

Аргентина терма жамоаси афсонавий ҳужумчиси Диего Марадонанинг тан олишича, бразилиялик Роналдони тарихдаги энг истеъдодли футболчи, деб ҳисоблайди. 

«Роналдо - тарихдаги энг истеъдодли футболчи. Агарда жароҳатлари бўлмаганида, у энг буюк ўйинчига айланган бўларди. Мен бунга заррача ҳам шубҳа қилмайман», - дея жаҳон чемпионининг сўзларини келтиради Seleção Brasileira.

Бразилиялик форвард профессионал даражада 1993-2011 йилларда тўп сурган. У Бразилия терма жамоаси сафида икки карра жаҳон чемпионига айланган, шунингдек, икки марта «Олтин тўп»ни қўлга киритган.