Раматов: Ҳаммага дарвозаларни очдик, лекин уларни кутиб оладиган жойимиз йўқ

Ўзбекистон бош вазири ўринбосари Очилбой Раматов мамлакатга туристлар оқими кўпайган бир вақтда уларга хизмат кўрсатиш муассасалари етишмаслигини танқид қилди, деб хабар қилди Kun.uz мухбири.

«Президентимиз томонидан 105 давлат фуқароларига виза чеклови олиб ташланди. Илгари ҳаммаёқ ёпиқ эди, ҳеч ким кира олмасди. Энди уларга хизмат кўрсатиш учун самолётлар, терминаллар, меҳмонхоналар керак. Ҳаммага дарвозаларни очдик, келинглар деяпмиз, лекин уларни қабул қиладиган жойимиз йўқ”, - деди Раматов Нукус аэропортида янги терминал очилиши маросимида.

Туризмни ривожлантириш давлат қўмитасининг маълумотига кўра, 2018 йилнинг биринчи ярмида Ўзбекистонга 2 миллион 700 мингга яқин турист ташриф буюрган.