Винни Пух харитасининг асл нусхаси рекорд нархга сотилди

Рассом Шеперд томонидан яратилган Винни Пухнинг юз акр (ўлчов бирлиги)лик ўрмон тасвирланган харитаси 430 минг фунт-стерлинг (570 минг 137 АҚШ доллари)га сотилди, дея хабар берди Sotheby’s аукционерлари. 

1926 йилда чизилган Милненинг болалар классикаси харитаси кимошди савдосидаги бошқа китоб иллюстрацияларидан ўзиб кетди. Салкам эллик йил оммага ошкор этилмаган харита бошланғич нарх (100-150 минг фунт-стерлинг)дан тезлик билан юқорилади. 

Харита китобхонларни Кристофер Робин ва унинг дўстлари Ийоре, Рулар ҳақидаги тасаввур билан таништиради. 40 йил ўтиб, у Disney компанияси томонидан ишлаб чиқарилган “Винни Пух ва асал дарахти” фильмида асосий ролда гавдаланади. Харитадан кейин Пухнинг яна тўртта сурати 310 мингдан 440 минг фунтга жами 917 минг 500 фунтга баҳоланди.