Трамп НАТО мамлакатларидан зудлик билан мудофаа харажатларини оширишни талаб қилди
АҚШ президенти Дональд Трамп НАТОга аъзо барча мамлакатлардан зудлик билан мудофаа харажатларини ЯИМнинг 2 фоизига етказишни талаб қилди.
"АҚШ Европа муҳофазаси учун пул сарфлайди-да, савдо соҳасида миллиардлаб долларларни йўқотади. НАТО мамлакатлари 2025 йилга бориб эмас, ҳозирнинг ўзидаёқ ЯИМнинг 2 фоизини тўлашлари керак", - деб ёзади у ўзининг Twitter'ида.
"Германия газ ва энергия ресурслари учун Россияга миллиардлаб доллар тўласа, НАТОдан қандай наф? Нима учун 29 мамлакатдан атиги бештасигина ўз мажбуриятларини бажармоқда?", - дея савол билан юзланади Америка президенти.
Бундан аввал Оқ уй матбуот котиби Сара Сандерс Трамп альянс саммити давомида НАТОга аъзо мамлакатларга ўзларининг мудофаа харажатларини ЯИМнинг 4 фоизигача чиқаришни таклиф қилгани ҳақида айтганди. "НАТО саммитидаги бугунги нутқи давомида президент ташкилотга аъзо мамлакатларга мудофаа харажатларини нафақат ЯИМнинг 2 фоизигача етказишга доир мажбуриятларини бажаришларини, балки бу кўрсаткични 4 фоизгача чиқаришини таклиф қилди", - деди Сандерс.
Болгария президенти Румен Радев Америка президентининг бундай талаби ҳақида шундай фикр билдирди: "Бу рақамлар эълон қилинганидан кейин у (Дональд Трамп - таҳр.) учрашувни тарк этди, кейинги чиқишлар давомида унинг талаби бошқа тилга олинмади", - дейди Радев.
"НАТО - хавфсизлик сотиб олинадиган биржа эмас, бироқ бошқа томондан, президент Трамп ҳақ, зеро ҳар бир давлат самарали мудофаа хусусиятларини қуриши керак. Шундай бўлса-да, Болгариядаги хавфсизликка маблағлар қай даражада хоҳишга қарши ажратилаётгани аён", - дея президентнинг сўзларини келтирган Болгария миллий радиоси.
Радевнинг фикрича, АҚШ томонидан босим давом этади ва бу трансатлантик беқарорлик юзасидан Россия билан мулоқот қилиш зарур.
Мавзуга оид
10:50
РФ 2025 йилда уруш учун рекорд даражадаги 13,5 трлн рубл ажратади
09:12 / 28.09.2024
Ўзбекистон ва БАА мудофаа соҳасида ҳамкорликни йўлга қўйиши мумкин
08:30 / 28.09.2024
Ўзбекистон Туркманистон ва Туркия билан мудофаа соҳасида ҳамкорлик қилади
23:15 / 27.09.2024